[ترجمہ محمد جوناگڑھی] اسی طرح ہم نے گناہگاروں کے دلوں میں اس انکار کو داخل کر دیا ہے [200] وه جب تک دردناک عذابوں کو ملاحظہ نہ کرلیں ایمان نہ ﻻئیں گے [201] پس وه عذاب ان کو ناگہاں آجائے گا انہیں اس کا شعور بھی نہ ہو گا [202] اس وقت کہیں گے کہ کیا ہمیں کچھ مہلت دی جائے گی؟ [203] پس کیا یہ ہمارے عذاب کی جلدی مچا رہے ہیں؟ [204] اچھا یہ بھی بتاؤ کہ اگر ہم نے انہیں کئی سال بھی فائده اٹھانے دیا [205] پھر انہیں وه عذاب آ لگا جن سے یہ دھمکائے جاتے تھے [206] تو جو کچھ بھی یہ برتتے رہے اس میں سے کچھ بھی فائده نہ پہنچا سکے گا [207] ہم نے کسی بستی کو ہلاک نہیں کیا ہے مگر اسی حال میں کہ اس کے لیے ڈرانے والے تھے [208] نصیحت کے طور پر اور ہم ﻇلم کرنے والے نہیں ہیں [209]۔
........................................